Eine ganse zaoterdaag op paad met ’t boerebroelofsgezelschap Zomerparkfeest. Zoeë kumpse nog ens örges. Van de 3-kes, naor de Benders Boeëtegewoeëne Boétezitting, naor ’t Roeje Kruutsbal, naor ’t Prónke in de Klaostraat, naor de seniore beej Crecendo, naor de resepsie van Jocus Toekomst en as aafsloeter de resepsie van de Törvers. En dan ware d’r ouk nog ein aantal die daonao nog de mood hadde um naor de Parade te gaon! Klik heej veur ’t filmke.

En we houwe op de kis umdet ’t Vastelaovend is! We hebbe d’r weer zin in. De kómmende waeke laeve we weer langzaam nao de dreej dolle daag toe. Ós programma is alweer aardig gevöld. Wellich zeen we ós beej ein van dees gelaegenhede.

Upate: inmiddels hebbe we emus gevónde. Dank aan idderein dae haet meigezóch!
Helaas kin ózze traktorchauffeur ós op Vastelaoveszóndaag en Vastelaovesmaondaag door umstandighede neet door de straote van Bliërick en Venlo rieje. We zien daorum op zeuk naor eine chauffeur met traktor veur Vastelaoveszóndaag (19-2-2023) en vastelaovesmaondaag (20-2-2023). Zoels dich det wille doon of kinse emus dae det zoel wille doon, laot ós det dan efkes weite via ein berichje (Kontak – Schots en Scheif)

Na twië jaor wachte is ’t weer zoeëvaer. Ein tradisie wuurt in stand gehalde: we gaon weer naor ós vrinde en vriendinne in Rheinbrohl um same met eur ’t Weinfest te viere. We neme aafscheid van Weinkönigin Eva, Weinprinzessin Luisa en Weinprinzessin Andrea en gaon kinnis make met ’t nieje stel, Weinköniging Jill, Weinprizessin Nina en Weinprinzessin Lena. Det belaof weer wat!

Taege ós gewuuente in ónderbraeke weej einmalig ós zomerreces um op zóndaag 31 juli ein optraeje te verzörge op de zomermert in Neer, ein en ander um ózze eige Aloys dao en groeët plezeer mei te doon. Zin um effe rónd te struine en te genéte van de sfeer, kóm dan nao Neer.