Op de jaorvergadering van 2022 zien d’r weer inkele jubilarisse gehöldig. Arno en Paul zien 25 jaor lid en Wiek maar leefs 40 jaor. Aan ierelid Sef de iér um de beejbehuurende jubileumspeldjes op te spelde beej Wiek en Arno. Arno móg det op zien beurt doon beej Paul.
Eine eierloup met ein sausje van Vastelaovend. Alle ingrediënte veur ein ech Venloos feesje met shotjes in diverse kleure en smake, det waas de eierloup 2022. Klik heej veur de video.
Nao 2 jaor wachte vanwaege de Corona perikele is ‘t Paoszaoterdaag weer tiéd veur de leukske kroegetoch van Venlo, de Eierloop 2022. Zulle de shotjes weer aeve lekker zien dan in 2019? Nao zaoterdaag kinne we óg det vertelle, want weej zien d’r beej.
