Boerebroélof 2020

In ós zomerreces toch nog efkes aan de vastelaovend meuge ruuke. Boerebroélof Venlo, ‘t boerebroelofsgezelschap van de Herungerstraot, äöpende eur boerebroélofsjaor met ‘t bekind make van ‘t gezelschap en ‘t paote van ‘t boeremoos. Broéd Simoon en broédegom Klaos waere op boerebroélofsdinsdaag 2020 in d’n ónech verbónde. Hiél vuuël suukses met de veurbereidinge en vuuël joeks en jen gewins!

 

Jubileumfees

Wat hebbe we ein schoeën jubileumfees meuge belaeve. 4 kiér 11 jaor viere met alle minse die ós ein werm hert toedrage, veult aan wie ein werm bad! ’t waas eine fantastische middaag en aovend. Iers de ontvangs op ós schoeën stadhoes door börgemeister Antoin Scholten van ós vrinde oét Rheinbrohl met Ortsbürgermeister Oliver Labonde, Weinkönigin Eva Emrath, Weinprinzessin Luisa Becker, Carla Wilkes en leje van de HVV Rheinbrohl en neet te vergaete ózze beermeister tiedes ‘t Wienfees, Willy Cergar. Ós gaste ware “begeistert” euver wat Venlo te bieje haet. Eine moeje start van ózze jubeldaag, met dank aan ózze burgervader veur de oetleg! Dan de jubelaovend: Sinterklaos had de meujte genaome efkes langs te kómme en wis de luusteraers te boeje met allerlei annekdotes, Sandra en Marco wiste de dansvloer vol te kriege. Leon woort beneump as ierelid en kreeg daoveur de golde speld oetgereik. Zelf hebbe we ouk nog inkele toeëne ten gehuure gebrach. Idderein dae d’r aan haet meigewerk um ‘t tot zónne knalaovend te make, hertelijk dank daoveur, met ein spesiaal woort van dank aan ós eige organisasiecommissie en de minse achter de bar ónder leiding van Yvonne Gubbels. We zulle ós dezen aovend nog lang heuge! Klik heej veur de foto’s en heej en heej veur de videobeelde

Jubileumfees, Schots en Scheif 4 x 11 jaor.

Gaer nuuëdige weej óg oet op ós jubileumfees. We vraoge óg waal um óg efkes aan te melde op schotsenscheif@hotmail.com

Gerne laden wir Euch zum Jubelfest ein. Wir möchten Euch fragen, Euch per E-mail unter schotsenscheif@hotmail.com anzumelden.

 

 

Vastelaovend 2019

Vastelaovend 2019 leet weer achter ós. Wat blief zien de herinneringe aan dae moeëje tiéd. Gelökkig zien d’r foto’s en filmkes die die herinneringe in stand halde. Klik heej veur ein compilasie van video’s die we hebbe meuge óntvange en heej veur de foto’s. Met dank aan Omroep Venlo ouk de beelde van de optochte in Bliërick en Venlo. Klik daoveur heej.

Altweiberfastnacht 2019

Wat waas ‘t weer biezónder in Kölle dit jaor. We hebbe, same met ós dansmeriekes, genaote wies in de tieëne! Neet zoeë verschrikkelik drök as in veurige jaore, maar des te gezelliger. Klik heej veur de foto’s en heej veur ein filmke

Veur miér filmkes kiek op ós You Tube kanaal.

Truuk in d’n tiéd, Boerebroelof 2002

Zoeë vlak veur ‘t Boeremoosbal is ‘t leuk um nog efkes truuk te kiéke nao ‘t Boerebroelofsgezelschap 2002 van Venlosche Boys op bezeuk beej Tuincentrum Leurs.

 

Vastelaovesprogramma

Heejónder ós vastelaovesprogramma zoeëas ‘t d’r wies noow oét zuut. Wellich zeen we ós heej of dao en anders alvas eine schoeëne Vastelaovend gewins!.

Weej hebbe zin drin ..

Asse zoeë aangekóndig wuurs, kriegse toch al zin drin?

Dass Holland mehr zu bieten hat als guten Käse, beweist die Musiktruppe Joekskepèl Schots en Scheif bei unserer #Karnevalssitzung2019. Mit Pauke und Trompeten starten wir mit Ihnen am 16. Februar in einen bunten Abend. Also: Klatscht euch schon einmal warm!

Weej winse óg ein spetterend 2019!

Weej winse óg allemaol ein spetterend en fantastisch 2019 met vuuël gelök en gezóndheid en det geej ouk aaf en toe van ós muzikale klanke meug genete!!

Karnevalserwachen 2018

D’n tiende van d’n elfde as veurlouper op d’n elfde van d’n elfde. Det gaon weej viere in Kreifeld beej KG Grün-Weiß Grönland 1957 e.V. Krefeld. Veurig jaor ware we beej de Damensitzung, noow meuge weej truuk kómme om same met eur ‘t Karnevalserwachen 2018 te viere.