In ’t 49ste laevesjaor van Schots en Scheif zien d’r twieë leje die ein jubileum viere. Marc en Ron zien allebei 25 jaor lid. Op de jaorvergadering wuurt tradisiegetrouw ein jublileumspeldje veur 25 jaor trouw lidmaatschap oétgereik. Marc en Ron van herte perfitsia met dit schoeëne jubileum names alle jónges van Schots en Scheif! Det geej d’r nog 25 jaor aan vas meug knuipe!
‘t is weer zoeëvaer, de jaorlikse Eierloup op paoszaoterdaag waoraan weej ouk al jaorelang ós steinke meuge beejdrage. In de diverse kroege staon shotjes klaor waorvan de deilnemers kinne geneete. As ouk ‘t weer ein bietje wilt meiwerke, belaof ‘t weer ein tóf evenement te waere.
Update: klik heej veur ein filmke van eine geslaagde Eierloup 2024.
Wat hebbe we eine schitterende Vastelaovend meuge belaeve! Lekker zunke, lekker windje, lekker weerke waas deze kiér absoluut van toepassing. D’n optoch in Bliërick, de alternatieve JoekskepelleParade, d’n optoch in Venlo en last but not least eine geweldige boerebroelofsdinsdaag met det gezellige en spontane gezelschap van de kwante Kaketoe. Filmkes daovan heej en heej. Foto’s in ’t menu media of klik heej.
In taegestelling tot veurige jaore dit kiér ens neet naor Kölle. Chauffeur Koos bracht ós al hiél vruuëg in de morge naor Brühl wao we op oétnuuëdiging van de Schlossgarde der Stadt Brühl same met eur Weiberfastnacht hebbe gevierd. We hebbe ós köstelik vermak en zeker veur herhaolong vatbaar! Klik heej en/of heej um indrökke op te doon.
Op de woensdaag veur vastelaovend nog efkes vastelaovessfeer gebrach op de woeëngroep beej ózze Paul. ’t deej ós good um te zeen det hae d’r van haet genaote!
In ’t waekind veur Vastelaovend hebbe we duchtig aan d’n ammezuur kinne werke. Al op dónderdaag ware we beej de seniorezitting van SOB same met boerebroelofsgezelschap De Kwante Kaketoe, gevolg door eine lange zaoterdaag ouk weer same met De Kwante Kaketoe, waobeej diverse evenemente woorte bezóch. Vervolges hebbe we op zóndaag de reseptie van de Moerakwaakers gedurende ein eurke of 6 opgeluusterd.
Klik heej veur ein tóf filmke met De Kwante Kaketoe. Foto’s van de verschillende evenemente staon heej
Beej de Vogelhut is ’t nieje dreejspan oetgerope, Prins Michèl en zien adjudante Richard en Harrie gaon veurop in deze vastelaovestied. Weej winse eur eine schoeëne vastelaovend en veural, geneet d’r van! Weej zeen ós binnekort weer op óg groeëte resepsie.
De vastelaovestrein kump weer op stoum. Links en rechs zien al de iérste Trio’s en Dreejspanne oétgerope. Zaoterdaag 20 jannewari is ’t de beurt aan VG de Vogelhut. Weej gaon op daen aovend ós muzikale klanke dao oet struie en laote ós verrasse wae d’r oet d’n hoeëge hood getoverd wuurt.
Wat hebbe we weer ein fantasties waekind achter de rök. Dao kinne we weer efkes op taere. D’r waas ein moej programma in elkaar getummerd waorin we ós weer muzikaal kóste oetlaeve, maar waorin d’r ouk tied waas ingeruump veur ein oetstepke en ’t verzörge van de inwendige mins. Foto’s zien heej te vinde en ein filmke heej en heej.
