Leon Versteilen beneump tot lid in de Orde van Oranje-Nassau

Ôzze eige veurzitter en taeves penningmeister Leon Versteilen is vandaag door börgervader Antoin Scholten telefonisch verras. Leon is namelik beneump tot Lid in de Orde van Oranje-Nassau. Iets waor weej as Joekskepèl Schots en Scheif netuurlik hiél erg grueëts op zien.
 
Leon is behalve ierelid, muzikaal leider, veurzitter en penningmeister van Schots en Scheif auk al sinds de beginjaore sevetig aktief vreejwilliger beej Venlosche Boys. Iérs as leider van de jeug en later o.a. as lid van toernooikemmissie en lid van de kantinecommissie. Taegewoordig  verzörg hae de leje-administratie en de ICT in de kantine. Sinds 2017 is hae auk nog penningmeister van het collecte-comité Groot Venlo van ut Fonds Gehandicaptensport.
 
Leon, names alle jônges en maedjes van Schots en Scheif van herte perfisia!!! Dien beneuming is miér dan terech en ’t is dich van herte gegund! Weej haope desse nog vuuël jaore aktief meugs bliéve beej ôs joekskepèl!

Corolaovend 2021

Helaas kinne we dit jaor neet de Vastelaovend viére zoeëas we det gaer zoele wille. Haopelik leet dees verschrikkelikke Corona pandemie gauw achter ós en kinne we veuroét kiéke nao eine normale Vastelaovend 2022. Veurluipig zit d’r niks anders op dan truuk te kiéke in d’n tiéd en te genete van detgene wat we in de loup van de jaore hebbe meigemak. Halt daoveur veural Facebook, Instagram, Twitter en YouTube in de gate. We zulle regelmaotig ‘t ein en ander deile met óg. Kiék beejveurbeeld ens heej

Veurspoedig Niejaor! – Frohes Neues Jahr!

Weej winse óg allemaol fijne kersdaag en ein veurspoedig niejaor. Det we rap weer truuk meuge zien beej “normaal”.

Frohe Weihnachten und ein gutes neues Jahr für alle unsere Freunde in Deutschland und vor allem in Rheinbrohl!

Elf van elf sprik vanzelf, maar noow efkes neet

‘t jaor 2020 is ein waal hiél biezónder jaor. Corona haet invloed op ós ganse laevespatroeën. Ouk Elf van Elf mót d’r aan gluive. Laote we haope det we dees periode gauw kinne aafsloete en det we ózze schoeëne Vastelaovend weer alderwets kinne viere. Wannier zulle d’r weer net zoeëvuuël minse op éine vastelaoveswage kinne as heejónder op de foto? Wae zal ‘t zegge?

Gen wienfeeste dit jaor

Jaomer, maar begriepelikker wies gaon ouk de Wienfeeste in Rheinbrohl neet door dit jaor.
 
Wie schade, Herzliche Grüße an alle in Rheinbrohl von “de jónges van Schots en Scheif”!
 
Liebe Freunde von Schots en Scheif,
 
leider müssen wir Euch mitteilen, dass das Weinfest 2020 aufgrund der Coronabestimmungen nicht stattfinden wird.
Wir hätten gerne wieder mit Euch gemeinsam unser Weinfest gefeiert, aber leider ist es dieses Jahr nicht möglich.
Eva und ihr Team werden ihre Amtszeit um ein Jahr verlängern, da in diesem Jahr fast alle Termine abgesagt werden mussten.
Eva und ihr Team, der HVV und die Ortsgemeinde Rheinbrohl würden sich sehr freuen Euch im nächsten Jahr wieder bei uns in Rheinbrohl begrüßen zu düfen.
 
Bleibt gesund und passt auf Euch auf…
 
Liebe Grüße aus Rheinbrohl
Kristina Fuchs
1. Vorsitzende HVV Rheinbrohl
 
 

Op bezeuk beej inkele zörginstellinge, daag 2

Daag 2 van ózze tour langs de zörginstellinge zit d’r ouk alweer op. Wat is ‘t toch fijn asse minse in dezen tiéd bliej kins make met ein stökske meziek! “Jansse” in Tegele vónd det beej ein joekskepèl in idder geval eine bak beer huurt, wao hae dan ouk direk veur zörgde. Geweldig toch! ‘t bleek zelfs meugelik eine anderhalve maeter polonaise aan de gank te kriege. We hebbe dezen tour met vuuël plezeer gedaon en ouk nog aan de ammazuur kinne werke. Danke Zörginstellinge veur óg gasvreejheid! Klik heej veur de foto’s en heej veur de videobeelde.

Op bezeuk beej Venlose Zörginstellinge

In deze rare tiéd toch nog eine kiér kinne träöte. Moeij det we de minse in inkele Venlose zörginstellinge wat aafleiding en plezeer hebbe kinne bezörge. ‘t weer waas ós neet hielemaol good gezind, maar de dankbaarheid van de minse makde alles diek en döbbel good. ‘t optraeje waas netuurlik goodgekeurd en Corona proof! Klik heej veur de video.

 

Vastelaovend 2020

Um gruuëts op te zien waas ‘t thema van Jocus. We sloéte ós daobeej aan! We hebbe met hert en zeel genaote van eine schoeëne Vastelaovend. Klein smetje waas det ‘t weer ‘t neet toeleet det d’n optoch door Bliërick trók, maar det gaon we ein waek later nog efkes inhaole met as gevolg det we nog ein verlengstök tegood hebbe. Foto’s zien heej te kieke, Filmkes van de Venlose optoch heej en heej en ein filmke van de Boerebroelof in Jocus Hoonderstal heej.

De waeke veur Vastelaovend 2020

Inmiddels zien we aan de veuraovend van de Vastelaovend aangeland. Tied um efkes truuk te kiéke nao wat we de letste waeke zoeëal oetgespoeëk hebbe. We zien ónderwaeg gewaes met ‘t Boerebroelofsgezelschap van de Herungerstraot, we hebbe ‘t prinsebal en de resepsie van Vastelaovesgezelschap de Vogelhut gehad en we zien in Kölle gewaes. Nog ein beslaote vastelaovesbal en dan op naor de optochte van Venlo en Bliërick, de JoekskapelleParade en de aafsloeting in Jocus Hoonderstal de Maaspaort op Boerebroelofsdinsdaag. Veur foto’s klik heej, veur ein filmke van Altweiberfastnacht klik heej, op waeg met ‘t Boerebroelofsgezelschap klik heej en veur de Vogelhut klik heej.

Vastelaovesprogramma

Ós vastelaovesprogramma steit in groeëte liene vas. Wellich zeen we ós beej ein van ónderstaonde aktiviteite? Weej hebbe zin drin!

26 jan 2020 (zón) Krense met Boerebroelofsgezelschap Herungerstraot
01 fib 2020 (zao) Prinsebal VG de Vogelhut
09 fib 2020 (zón) Prinseresepsie VG de Vogelhut
12 fib 2020 (woe) Seniorezitting SOB Maaspaort met Boerebroelofsgezelschap
15 fib 2020 (zao) Onderwaeg met Boerebroelofsgezelschap Herungerstraot
20 fib 2020 (dón) Altweiberfastnacht Kölle
21 fib 2020 (vri) Brasserie, beslaote Vastelaovesbal
23 fib 2020 (zón) Optoch Bliërick
23 fib 2020 (zón) JoekskepelleParade
24 fib 2020 (mao) Optoch Venlo
25 fib 2020 (din) Boerebroelof in Jocus Hoonderstal de Maaspaort (begin 16.00 oor)