2011, welkóm beej Schots en Scheif op 't web

De leedjesaovend is gewaes en de kenónscheut hebbe geklónke. Veur ós beteikent det det weej ós programma veur de vastelaovend weer aan 't samestelle zien en det de vastelaovesleedjes ein steeds prominentere plaats innéme beej de rippetisies. En det allemaol as veurbereiding op weer eine spetterende vastelaovestièd. Wilt geej ós oètnuuëdige veur ein optraeje? Steur ein meeltje naor:

Dit e-mailadres is beschermd tegen spambots. U heeft Javascript nodig om het te kunnen zien.

Hónderd kilo struigood

In november hebbe hónderde vrinde- en vastelaovesgroepe meigedaon aan de aksie van Jan Linders en Brand Beerbrouwerie "Win eine vastelaoveswaage". We ginge veur de dreejdoezend euri's, maar det is ut neet gewaore. Toch waas Annemiek ein van de gelókkige en wón veur ós d'n derde priès: hónderd kilo struigood. Aangezeen d'r in d'n optoch neet gestruid meug waere, zulle weej nog bekièke of det we d'r iets anders leuks mei kinne gaon doon.

Hittegolf tièdes de wiénfièste.

Waat ein waerke op de wiénfièste! Det is weer ens wat anders dan d’n dieke trui aan in oktober. Ut waas noeëdzaak um elk plekske schaduw te benutte, umdet ’t speulend in de zón neet um te harde waas.

Laes vaerder               Klik veur de foto's (update)

Wiénfiès in Rheinbrohl

De daag waere weer korter. Det beteikent det weej ós weer opmake veur de Wiénfièste. Net as veurig jaor gaon weej auk dit jaor naor Rheinbrohl um dao 't Weinfest am "Caput Limitis"op te luustere. De wiénfièste in Rheinbrohl vinde plaats van 30 september wies 3 oktober.

Niej sezoen

De zomervekansie is veur de meiste van ós veurbeej en dus pakke weej d'n draod weer op met rippetère. As ièrste steit ind september ein bezeuk aan de wiènfiéste in Rheinbrohl op 't programma.

Wiel haet ós verlaote.

Ondanks det zien gezóndheid um in de steek leet, kwaam 't berich det ózze koempel Wiel is euverleeje, as eine mokerslaag. Op de letste rippetisie aafschièd genóme met "wies nao de vekansie", Mótte weej noow veurgood aafschièd neme.

Lees vaerder

En toen waas ‘t stil……

D’r waas ens eine groep muzikante die ut weer ens kwant vónde um met de maedjes ein wiekend d’r tösse
oèt te knièpe. Maar ja, waat duisse dan? Wie zörgse d’r veur det die maedjes zich ouk good ammezere..........

laes vaerder       klik veur de foto's

Det waas vastelaovend 2011

De ganse vastelaovend schitterend weer, vueel minse beej de optochte, geneetend in 't zunke. De vastelaoveskleier kinne weer veur bijna ein jaor in de kas en d'n aafteller is ingesteld op vastelaovend 2012. Geej kint nog efkes truuj kièke via de foto's. Klik daoveur heej. Ouk d'n optoch in Bliërick (klik heej) en Venlo (klik heej) is te bekièke

Via Kölle naor 't Gemeintebal

Dónderdaag waare good waer en hièl vuuël Altweiber de ingrediënte veur ein geslaag oètstepke naor 't Altweiberfastnacht in Kölle. Kièk heej veur de foto's. Vriédaag waas d'n daag van 't neet mier oet ós optreejes weg te dinke Gemeintebal. Ouk dao zien foto's gemak. Klik heej. 

Prins Niels

De Schots en Scheif femilie is weer eine Prins riéker. Op de Vijverhofschool woort Niels oètgeroope tot Prins Niels. Hae kreeg gezelschap van Prinses Priscilla en adjudante Robin en Mohammed. As sirremoniemeister woort Lynn beneump.

Thiëtuitebal

Ein waek veur de vastelaovend woort in Lomm 't Thiëtuitebal gehalde met 't oètkómme van 't nieje boerebroedspaar en eur getuuge. Weej waare dao dit jaor veur d'n ièrste kiér beej en gezag mót waere det 't ein gezellig en ongedwónge fieës waas. Ein hoeëgtepunt waas zeker 't schitterend filmke waomei de aankóndiging van 't boerebroedspaar woort gedaon. Klik heej veur de foto's die zien gemak tiédes d'n aovend.

Vastelaovestrein op stoum

De vastelaovestrein is op stoum gekómme. Via ’t vastelaovesbal van de G-voetballers en ’t Prinsebal beej de Vogelhut, brach dae ós beej de Kwas in Venlo-Zuud. Hae brink ós ouk nao de hokkiejers in Bliërick, um ós vervolges, met eine tössestop op ’t Matinee Musicale beej Jocus in Venlo, op ‘t Thiëtuitebal in Lomm aaf te zette. Van dao oet vertrekke weej nao Kölle um daonao weer truuk te kière in Venlo veur ’t Gemeintebal. Dan blièf d'n trein in Venlo en stórte weej ós in de dreej dolle daag.

Gespot

Toen weej met Altweiberfasnacht in Kölle op d'n Hauptbahnhof aankwame hebbe hebbe weej ós dao efkes werm gespeult. Emus oét 't publiek haet dao ein opname van gemak en op You Tube geplaats. Klik op de volgende link um 't filmke te bekièke: Altweiberfastnach. 

Nog efkes truuk kièke naor Vastelaovend 2010

Heej kint geej nog efkes truuk kièke naor Schots en Scheif in de optochte van Bliërick en Venlo tièdes de vastelaovend 2010. Klik heej veur ein filmke van d'n optoch van Bliërick en heej veur d´n optoch van Venlo. De kièkjes van vastelaovend 2010 vindt geej in ós foto album.