- schotsenscheif @Schodumlaeg hiël vuul plezeer in Linz! Doot ze de groete van os! #wienfeeste #cafewahnsinn
- ZeipkisteRace Dank aan onze nieuwe volgers! @schotsenscheif, @LoekSchaepken, @DACVanderbroeck
- Schodumlaeg @schotsenscheif niks mis met de baritons
- schotsenscheif @Schodumlaeg barritons netuurlik!
- schotsenscheif @Schodumlaeg det leet aan ut instrument, beej os zien ut ouk altied de baritons......
Jubilarisse
Op de jaorvergadering 2012 zien d'r weer 2 leeje in 't zunke gezatte umdet ze 25 jaor lid zien. Dit kièr ware Jos en Pierre aan de beurt. Ze zien allebei ind 1986 transfervreej euvergekómme van femiliekepèl de Bleskes. De jubilarisse woorte toegespraoke door ièrelid Aloys, dae eur ouk decoreerde met 't 25-jäörig jublileumspeldje.
naor de Floriade
Tièdes de Floriade is d'r idderen daag ein optraeje van ein mezièkgezelschap beej 't Atrium van de Innovatore. De organisasie vindt det ouk joekskepèlle zoeë noow en dan gehuurd mótte waere. Veur de leefhebbers: op dinsdaag 17 april is d'r van veer wies zes oor ein optraeje van Schots en Scheif ingepland.
Thoèsblaad gepimp
Umdet "de motor" van ós thoèsblaad geupgraded meus waere, is taegelièkertièd d'n opmaak ouk maar van eine nieje "look" veurzeen. Haopelik bevelt 't óg. Kièk gerös efkes rond.
De bezeukers van ós thoèsblad kinne as dank veur 't bezeuk tièdelijk ein nummer van ós cd "Jónges, Jónges" naor binne haole. Klik heej met de rechtermoèsknoep en kies "doel opslaan als" um "Griekse Nach" binne te haole.
De Wortelepin
Nao de Vastelaovend woorte weej verras met ein aandinke aan d'n optoch 2012 van de Wortelepin. Naeve ein beejdrage umdet we d'n twieëde priès in d'n optoch hadde gewónne, ontvinge we ein leuke foto. Klik heejónder op de foto um ein grutter formaat te bekièke.
De flex in de vastelaoveswaage
Zaoterdaag nao Vastelaovend waas d'n daag det de flex in ózze vastelaoveswaage ging. De waage haet ós vanaaf halverwaege jaore tachtig vuuël plezeer bezörg in de optochte, maar noow waas 't moment aangebróke um de flex d'r in te zette. Nao de zomervekansie geit d'r gebouwd waere aan eine nieje waage dae ós haopelik weer aevevuuël plezeer geit bezörge.
.jpg)
.jpg)
De dreej Dolle Daag
Vastelaovend 2012 zit d'r weer op. Minse waat waas ut weer ein schitterend fiès. Idderein dae dao op wat veur meneer dan ouk aan haet meigewerk, hardstikke bedank!! We kinne met vuuël plezeer truuk kièke op de dreej dolle daag in ós Stedje van lol en plezeer.
Klik heejónder veur:
Filmke optoch Venlo Filmke optoch Bliërick
.jpg)
Via Straole en Kölle truuk naor Venlo
Ouk dit jaor zien we weer in Pruuses ter veurbereiding op de Vastelaovend. In de waek veur Vastelaovend gaon we via Straole en ut Altweiberfest in Kölle truuk naor Venlo wao op vrièdaag ut Amtenaerebal van de Gemeinte ut begin is van óngetwiefeld weer eine schoeëne Vastelaovend.
Hónderd kilo struigood
In november hebbe hónderde vrinde- en vastelaovesgroepe meigedaon aan de aksie van Jan Linders en Brand Beerbrouwerie "Win eine vastelaoveswaage". We ginge veur de dreejdoezend euri's, maar det is ut neet gewaore. Toch waas Annemiek ein van de gelókkige en wón veur ós d'n derde priès: hónderd kilo struigood. Aangezeen d'r in d'n optoch neet gestruid meug waere, hebbe weej beslaote 'r struigood beschikbaar te stelle aan de Mytylschoeël, Scouting Hertog Reinoud en de MA-run.
Hittegolf tièdes de wiénfièste.
Waat ein waerke op de wiénfièste! Det is weer ens wat anders dan d’n dieke trui aan in oktober. Ut waas noeëdzaak um elk plekske schaduw te benutte, umdet ’t speulend in de zón neet um te harde waas.
Laes vaerder Klik veur de foto's
Wiénfiès in Rheinbrohl
De daag waere weer korter. Det beteikent det weej ós weer opmake veur de Wiénfièste. Net as veurig jaor gaon weej auk dit jaor naor Rheinbrohl um dao 't Weinfest am "Caput Limitis"op te luustere. De wiénfièste in Rheinbrohl vinde plaats van 30 september wies 3 oktober.
En toen waas ‘t stil……
D’r waas ens eine groep muzikante die ut weer ens kwant vónde um met de maedjes ein wiekend d’r tösse
oèt te knièpe. Maar ja, waat duisse dan? Wie zörgse d'r veur det die naedjes zich ouk good ammezeere.......
Gespot
Toen weej met Altweiberfasnacht in Kölle op d'n Hauptbahnhof aankwame hebbe hebbe weej ós dao efkes werm gespeult. Emus oét 't publiek haet dao ein opname van gemak en op You Tube geplaats. Klik op de volgende link um 't filmke te bekièke: Altweiberfastnach.
Jubileumoètstepke
Op 2 en 3 mei 2008 stónd 't jubileumoètstepke ter gelaegenheid van 't 33-jäörig bestaon van Schots en Scheif op 't programma. De organisasiekommissie had ein geweldig programma in elkaar gezatte. Nao ein prima óntbijt brach de bus ós naor Kölle, wao hotel Lyskirchen de oètvalsbasis vormde. Eine gids leidde ós langs diverse Brauhäuser um 't Kölsch in verschillende variante te preuve. In de aovendoore woort "Papa Joe" bezóch. Heej woort 't twieëmansorkes gen rös gegund. Nao eine voor sómmige korte nachtrös woort de volgenden daag de omgaeving van de Kölner Dom verkind, waonao in de middaagoore de Colonia Express veur ós waas gerisserveerd. Dezen trem, met aan boord de nuuëdige ingrediënte veur eine gezellige middaag, leet ós op ein unieke wiès met Kölle kinnismake. Met ein grandioos diner woort 't oètstepke aafgeslaote. Klik heej veur de foto's.
33 jaor Schots en Scheif
Op 7 april 1975 woort Schots en Scheif opgerich. Det beteikent det weej in 2008 ós 33-jäörig bestaonsfiès vière. Veur Venlose joekskepèlle is 33 jaor spesiaal vanwaege ein vuuëlvoud van 't vastelaovesgetal 11. Omdet 't veur ós ein biezónder jaor is steit d'r dit jaor ein jubileumoètstepke op 't programma en zulle weej ós in de loup van 't jaor in eine nieje outfit prissentere. Op de jaorvergadering is 't programma van 't aafgeloupe jaor doorgenóme en hebbe weej afspraoke gemak veur weer een niej seizoen met haopelijk vuuël muzikaal plezeer veur zowaal de muzikante as de luusterende of feestende toehuùrders.
Op Vinyl
In 't midde van de jaore sevetig waas 't fenomeen straotkepèl sterk in opkóms. Zoeë ouk in Venlo wao zo'n kepèl "joekskepèl" wuurt geneump. In 1978 woort d'r veur d'n iërste kièr ein lp opgenóme waorop diverse joekskepèlle zich van eure beste kant leete huùre. Ouk Schots en Scheif is op dees lp, met de vuuëlzeggende naam "alle 14 d'r naeve", te huùre. Nieuwsgierig hoe det toen klónk? klik dan heej.