| Luc is ein van de jóngere van de kepèl. Hae bespeult al vanaaf jeugdige laeftièd de träöt. Ut is allemaol begós met ein aantal blokfluitlesse, waonao d’n euverstap naor de trómpet gauw waas gemak. In ’t begin bezóch hae de muziekschoeël en waas het aktief beej de hermenie. Naodet hae dao gestop waas, leek d’r ein ind te kómme aan zien aktieve mezièkkarrière, totdet Schots en Scheif um in 2004 vraog beej te springe met de vastelaovend. Det is um zoeë good bevalle det hae as “vas” lid beej de kepèl is gekómme. Andere hobbies van Luc zien voetballe beej Venlosche Boys en ’t volge van de insigste betaald voetbalklup in Noord-Limburg. Vaerder haet hae ’t drök as verkoup- en serviceadviseur beej de Rabobank. As geej ós wilt kontraktère kint geej unne aafspraok make met Luc. |
Truuk 
