Eierloup 2017

Paoszaoterdaag 15 april vindt weer de jaorlikse Eierloup plaats in de kefee’s in hertje Venlo. Kiéke wae d’r in slaag de eier hièl te halde. Weej laote det gaer aan óg euver, maar zulle waal veur muzikale óndersteuning zörge.

Vastelaovend 2017

de Vastelaovesdaag

Wat ware ’t weer ein paar schoeëne daag! Weej hebbe genaote vanaaf ’t Altweiberfest op dónderdaag wies de boerebroelof op dinsdaag! Euveral zoot de stumming d’r good in en zien we minse taege gekómme die ouk wies in de tieëne de vastelaovend hebbe belaef. Weej hebbe ós weer muzikaal kinne oétlaeve en kinne d’r noow weer efkes taege. Klik heej veur inkele foto’s van die daag. Met dank aan Herman Huskes hebbe we dreej leuke filmkes van ’t Boerebroelofsoptraeje in Jocus Hoonderstal: Nao ’t Zuuje,  Sjiengeleboem en Kiek ze kieke – Dich maks de kachel met mich aan Merieke. En dan hebbe we netuurlik nog d’n optoch in Venlo.

Altweiber Kölle

Wat ware de waersverwachtinge slech maar wat veel det mei! We hebbe d’r same met ós dansmarietjes weer eine toeften daag van gemak. Enige smet op d’n daag waas de truukreis waobeej de  DB die ós behuurlik in de steek leet. Toch is alles weer good gekómme en kinne we met plezeer truuk kiéke. Klik heej veur de foto’s en heej veur ein filmke

Kostümsitzung

Wat vónd die Zeitung in Kreifeld van die Musiker aus Venlo op de Kostümsitzung van der Gesellschaft 1938 Krefeld-Oppum?  Laes ’t heejónder.
Krefeld:  Nach der Prinzenproklamation im November vergangenen Jahres gab es im Pfarrsaal der Oppumer Schutzengelgemeinde jetzt wieder ein karnevalistisches Großereignis: die Kostümsitzung der Gesellschaft 1938 Krefeld-Oppum. Am Samstagabend, der Saal war schon lange ausverkauft, zogen die 38er mit der Juxband „Schots en Schelf“ aus der Partnerstadt Venlo ein. 15 Musiker im Schottenrock brauchten nur fünf Minuten, um den Saal in Stimmung zu bringen. Schon nach fünf Minuten hatten die Ersten im Programm, die Juxband „Schots en Schelf“ aus Venlo, das Publikum in Stimmung gebracht und den Saal fest im Griff.


JoekskepèlleParade

Vastelaoveszóndaag steit de neet mier weg te dinke JoekskepèlleParade weer op ’t programma. Van 1800 oor wies 24.00 oor vermake de Venlose joekskepèlle óg weer in hertje stad op de Parade.

 

Oetnuuëdige?

Zutjes aan kump Vastelaovend 2017 steeds dichter beej. As dit berich wuurt geplaats steit d’n aafteller op nog 75 daag te gaon. Ozze agenda begint zich al behuurlik te völle. As geej ós wilt oetnuuëdige veur ein optraeje, laot ós det dan efkes weite, dan kieke weej of det geit lökke.

150 jaor treinverbinding en Sintermerte

Zaoterdaag 5 november wuurt gevierd det de treinverbinding tösse Mönchengladbach en Venlo 150 jaor besteit. Umdet d’r aan ’t spaor gewerk wuurt kin d’n trein neet wies in Venlo kómme. As d’n trein neet nao ós kump, dan gaon weej maar naor d’n trein toe. Dus geit ein selek gezelschap oet Venlo naor Kaldenkerke um in de stasie van Kaldekerke ein feesje te viere. Weej meuge de muzikale invölling verzörge. Vaerder luustere we op zóndaag de Sintermertesoptoch op dae door de binnestad van Venlo trek.

Update: via deze link kint geej ein filmke bekieke van ’t fees in “Venlo-Ost”

Rheinbrohl 2016

Det waas ’t weer veur dit jaor, de wienfeeste in Rheinbrohl. Al jaore lang waere weej gasvreej óntvange door de HVV Rheinbrohl. Met name ózze Betreuer Jürgen Saebisch leet ós in de watte en zörg d’r veur det alles tot in de puntjes is geregeld. We kómme dao niks te kort en kinne ouk nog ens lekker meziek make (jao, ouk det doon we dao!) Klik heej veur de foto’s en heej veur ein filmke.

Astebleef concert en de Wienfeeste

De zomerpauze zit d’r op, det zoelse neet zegge asse de temperatuur in ’t rippetisielokaal de aafgeloupe waeke zoels maete, maar toch, ’t is half september en weej rippetère veur ’t Astebleef concert op zóndaag 25 september (vanaaf 14.30 oor op de Mert veur ’t stadhoes) en veur die ónverbaeterlikke Wienfeeste in Rheinbrohl van 30 september wies 2 oktober. Dae waere we óngetwiefeld weer met aope erm óntvange door de HVV Rheinbrohl. Weej hebbe d’r in idder geval zin in!

Muzikaal de zomer in

Ein unieke samewerking tösse Muziekvereiniging Valuas en Joekskepèl Schots en Scheif op zóndaag 5 juni aanstaonde vanaaf 14.00 oor op de Mert in hertje Venlo. In ’t kader van de Astebleef concerte gaeve weej dan same met Valuas ein concert met as thema “muzikaal de zomer in”. Ziet geej d’r ouk beej?

Social media

Zoeëas allewiels bijna idderein kint geej ouk Joekskepèl Schots en Scheif truuk vinde op de sosiale media. Via ós twitteraccount @schotsenscheif en via ós facebook pagina Facebook.com/schotsenscheif probère weej óg op de huuëgte te halde van ós belaefenisse. Waer dus volger op Twitter of like ós facebookpagina um beej te blieve.

Eierloup

Paoszaoterdaag meuge weej de deilnemers aan d’n eierloup van muzikale klanke veurzeen (zoeëlang as we de noeëte weite te rake emoticon). D’n eierloup is eine kroegetoch in Venlo waobeej de deilnemers minstes 7 van de 13 deilnemende kroege langs gaon met ein rauw ei en ein stempelkaart. In elke kroeg kriege de deilnemers ein shotje te drinke, maar waal ónder de veurwaarde det ’t ei alik is. Wae nao aafloup nog steeds ein alik ei haet, krieg ein verrassing. Weej laote ós verrasse!

eierloop-venlo

Vastelaovend 2016

Aafgeloupe oet

Ouk de verlenging zit d’r op. Taege alle verwachtinge in leet ’t waer ós neet in de steek en kóste we zellufs nog hiel efkes genete van ’t zunke in d’n halfvaste optoch door ’t stedje van Lol en Plezeer. De kerskes van ’t Jocus Dreejspan 2016 hebbe dus waal gebaat. D’r stónde vuuël minse naeve de kant en ouk de stumming zoot d’r bes waal in. Noow kinne de vastelaovespekskes weer in de kas en gaon we ós weer bezig halde met andere evenemente die in de loup van ’t jaor de revue passére. Klik heej veur de halfvastefoto’s.

Vastelaovend 2016 Halfvaste (14)

Vastelaovend in de verlenging

De Vastelaovesbuuje hebbe d’r veur gezörg det de Vastelaovend in de verlenging geit, maar ’t kump good!  Op zóndaag 6 maart trek d’n optoch alsnog door de straote van ’t Stedje van Lol en Plezeer. ’t groeëtste deil van ós programma is gewoeën doorgegaon. De Vastelaovesdaag begóste veur ós op dónderdaag beej de Altweiber in Kólle en woorte aafgeslaote met ein vet feesje in d’n Hoonderstal.  Foto’s kint geej heej bekièke en ein filmke van de JoekskepelleParade heej.

SAMSUNG CAMERA PICTURES

 De waeke veur Vastelaovend

Noow de Vastelaovend op ’t punt van beginne steit kinne we alves truuk kièke op ós belaefenisse in de waeke veur Vastelaovend. Wie kinse det baeter doon dan met foto’s en filmkes. Daorum klik heej veur de foto’s en heej of heej veur ein filmke beej de Altweiber in Kölle. Altweiber 2016 (7)

Vastelaovend

Ein korte vastelaovesperiode is aangebraoke, maar zoeëas ’t motto van Jocus zaet: “Kump Good”. Dao halde weej ós dan maar aan vas. Via de Vogelhut, Straole en Kölle duike we begin fibberwari de dreej dolle daag in. Wellich zeen we ós heej of dao in ’t Stedje van Lol en Plezeer en kinne we óg plezeere met ein leuk stökske meziek. Weej zien d’r klaor veur, dus wae wet …..

Met Sinterklaos naor Uerdingen

Ein tradisie die neet mier weg te dinke velt oèt ’t programma van Sinterklaos: op bezeuk gaon in partnerstad Kreifeld-Uerdingen. Ouk dit jaor weer woort d’r koers gezatte richting Pruuses. Naodet we lekker gegaete hadde en geschmienk ware, op naor de binnestad wao de minse Sinterklaos al stónde op te wachte. Nao aafloup stónd d’r in ’t Rathaus ein neutje klaor. Nao ’t aafschmienke en veurdet de bus ós weer naor hoes brach, woorte d’r nog inkele (muzikale) eurkes doorgebrach beej stamkroeg Zur Krone.

Sinterklaas 2015 klein