| Carlo begós zien mezièkale karrière op 8-jäörige laeftièd beej Brass Band Stella Duce. Nao einen tiéd beej de Fanfare Venlo te hebbe gespeuld, is hae noow weer truuk beej d’n Brass Band. In de periode vanaaf zien lidmaatschap beej d’n Brasband wies noow haet Carlo nogal wat instrumente bespeuld: Tróm, trómpet, tuba, tenorsax, besbas en schuuftrombone zien um neet vraemp. De schuuftrombone is ’t instrument det hae momenteel bespeuld. Beej Schots en Scheif kóste ze nog waal eine schuuver gebroeke en dus woort gevraog of det niks veur um waas. Omdet hae al ein aantal leuke leeje van Schots en Scheif kós, hoofde hae neet lang nao te dinke. Noow funktioneert hae as vaste oproopkrach. Carlo is getrouwd met Marleen en ze hebbe same twieë groeëte zeuns, waarmei hae op zienen tièd kin gaon stappe. In ’t dageliks laeve werk Carlo beej Gilde Opleidingen as plenner/ruuëstermaker. |
Truuk
