Latest News
My latest ramblings.
Enjoy! I definitely got important things to say
Joekskepèl Schots en Scheif
is opgerich in april 1975, toen eine gas voetballers van Venlosche Boys met de vastelaovend kinnis hadde gemak met ’t fenomeen joekskepèl. Zeej dóchte det aste.. [Laes vaerder]
2025 ein bezónder jaor
Weej winse óg ein spetterend, joeksig maar baovenal gezónd 2025! Veur ós is 2025 ein bezónder jaor. Weej viere gen joeksig jubileum, maar we bestaon in 2025 waal 50 jaor! Ein gebeurtenis um in de loup van ’t jaor toch waal efkes beej stil te staon.
Veugelkesaovend (update)
Zaoterdaagaovend is ’t te doon in d’n Dörpel, de Veugelkesaovend van VG de Vogelhut, eine aovend vol joeks en jen. Veur ós zó’n bietje de start van ’t nieje vastelaovesseizoen 2025, ein jaor wao in weej de veur ein joekskepel respektabele laeftied van 50 jaor haope te bereike.
Klik heej veur ein sfeerimpressie
Rheinbrohl 2024
Rheinbrohl waas zoeëas idder jaor ouk noow éin groeët fees. De HVV Rheinbrohl haet ós weer in de watte gelag en we woorte good verzörg door ós betreuer Claudia en Elke. Vriedaagaovend nome we aafscheid van de alde Weinkönigin Jill en de Weinprinzessinnen Lena en Nina en zaoterdaag makde we kinnis met de nieje Weinkönigin Cosima en eur Weinprinzessinnen Maike en Esther. Tössedoor haet burgemeister Oliver Labonde van Rheinbrohl ós in ein hoeëfker ouk nog de schoeëne umgaeving van Rheinbrohl laote zeen. Filmkes Rheinbrohl 2024 (1) en Rheinbrohl 2024 (2) en foto’s Rheinbrohl 2024.
Liebe Rheinbrohler danke dass Sie uns wieder ein tolles Wochende beschert haben!
Zomerparkfees en start rippetisie
Langzaamaan óntwake we oet ózze zomerslaop. Op zaoterdaag 10 augustus starte we met bardeens op ’t Zomerparkfees. Geej kint ós vinde beej bar 6 Amigo rechs. Kóm gerös langs veur ein lekker pilske of ein andere koele versnapering. We zeen ós!
Op dinsdaag 13 augustus pakke we ouk d’n draod weer op met rippetére ter veurbereiding op ’t najaorsseizoen en neet te vergaete Vastelaovend 2025.
Aafsloeting met barbecue
Weej hebbe ’t veurjaorsseizoen aafgeslaote met eine heerlikke barbecue in ós rippetisielokaal Restaurant de Kraal. Gashiér Wim had alles tot in de puntjes geregeld. Dank daoveur Wim! We gaon noow met zomerreces wies medio augustus. Tössetieds drage we waal nog ós steinke beej aan ’t Zomerparkfees wao we einen daag bardeens zulle dreije.
Rös zaach Niels!
Aafgeloupe dinsdaag steursde dich um 6.46 oor ein appje met de teks “ik mót mich veur vanaovend aafmelde”. Wae had kinne bedinke det det dien letste berich zoel waere. Óngeluif, verdreet, verbijstering en nog hiél vuuël mier geveules die neet in wäörd zien oét te drökke hebbe zich van ós meister gemak.