This author has not written his bio yet.
But we are proud to say that Lever contributed 107 entries already.
Weej winse óg ein spetterend, joeksig maar baovenal gezónd 2025! Veur ós is 2025 ein bezónder jaor. Weej viere gen joeksig jubileum, maar we bestaon in 2025 waal 50 jaor! Ein gebeurtenis um in de loup van ’t jaor toch waal efkes beej stil te staon.
Zaoterdaagaovend is ’t te doon in d’n Dörpel, de Veugelkesaovend van VG de Vogelhut, eine aovend vol joeks en jen. Veur ós zó’n bietje de start van ’t nieje vastelaovesseizoen 2025, ein jaor wao in weej de veur ein joekskepel respektabele laeftied van 50 jaor haope te bereike. Klik heej veur ein sfeerimpressie
Rheinbrohl waas zoeëas idder jaor ouk noow éin groeët fees. De HVV Rheinbrohl haet ós weer in de watte gelag en we woorte good verzörg door ós betreuer Claudia en Elke. Vriedaagaovend nome we aafscheid van de alde Weinkönigin Jill en de Weinprinzessinnen Lena en Nina en zaoterdaag makde we kinnis met de nieje Weinkönigin […]
Langzaamaan óntwake we oet ózze zomerslaop. Op zaoterdaag 10 augustus starte we met bardeens op ’t Zomerparkfees. Geej kint ós vinde beej bar 6 Amigo rechs. Kóm gerös langs veur ein lekker pilske of ein andere koele versnapering. We zeen ós! Op dinsdaag 13 augustus pakke we ouk d’n draod weer op met rippetére ter […]
Weej hebbe ’t veurjaorsseizoen aafgeslaote met eine heerlikke barbecue in ós rippetisielokaal Restaurant de Kraal. Gashiér Wim had alles tot in de puntjes geregeld. Dank daoveur Wim! We gaon noow met zomerreces wies medio augustus. Tössetieds drage we waal nog ós steinke beej aan ’t Zomerparkfees wao we einen daag bardeens zulle dreije.
Neet te bevatte, met stómheid geslage. Niels, dich waas nog neet zoeë hiél lang d’r beej, maar binne de kortste kiere waas dich d’r eine van ós! 2 waeke geleje hebbe we nog geproos op diene verjäördaag. Dich woels naeve ’t zinge gaer ’t slaagwerk gaon versterke, dus kwaam d’r ein half deepe tróm beej […]
In ’t 49ste laevesjaor van Schots en Scheif zien d’r twieë leje die ein jubileum viere. Marc en Ron zien allebei 25 jaor lid. Op de jaorvergadering wuurt tradisiegetrouw ein jublileumspeldje veur 25 jaor trouw lidmaatschap oétgereik. Marc en Ron van herte perfitsia met dit schoeëne jubileum names alle jónges van Schots en Scheif! Det […]
‘t is weer zoeëvaer, de jaorlikse Eierloup op paoszaoterdaag waoraan weej ouk al jaorelang ós steinke meuge beejdrage. In de diverse kroege staon shotjes klaor waorvan de deilnemers kinne geneete. As ouk ‘t weer ein bietje wilt meiwerke, belaof ‘t weer ein tóf evenement te waere. Update: klik heej veur ein filmke van eine geslaagde […]
Wat hebbe we eine schitterende Vastelaovend meuge belaeve! Lekker zunke, lekker windje, lekker weerke waas deze kiér absoluut van toepassing. D’n optoch in Bliërick, de alternatieve JoekskepelleParade, d’n optoch in Venlo en last but not least eine geweldige boerebroelofsdinsdaag met det gezellige en spontane gezelschap van de kwante Kaketoe. Filmkes daovan heej en heej. Foto’s […]
In taegestelling tot veurige jaore dit kiér ens neet naor Kölle. Chauffeur Koos bracht ós al hiél vruuëg in de morge naor Brühl wao we op oétnuuëdiging van de Schlossgarde der Stadt Brühl same met eur Weiberfastnacht hebbe gevierd. We hebbe ós köstelik vermak en zeker veur herhaolong vatbaar! Klik heej en/of heej um indrökke […]
is opgerich in april 1975, toen eine gas voetballers van Venlosche Boys met de vastelaovend kinnis hadde gemak met ’t fenomeen joekskepèl. Zeej dóchte det aste.. [Laes vaerder]