Zomerparkfees 2023


De zomerpauze löp op zien ind. We hebbe ’t nieje seizoen geäöpend met eine bardeens op ’t zomerparkfees. De instrumente waere vanaaf volgende waek ouk weer opgepak um d’r veur te zörge det d’n ammazuur weer op piel kump veur de iersvolgende optraejes.


op facebook: zomerparkfees 2023

Ronde-van-11

Op Hemelvaartsdaag ware we te gas beej de Wieleromgaeving Herungerberg wao veur d’n twieëde kier de Ronde-van-11 woort gehalde. De sportievelinge kóste, naodet ze de 111 kilométer achter de rök hadde, nog effe oetröste en op ’t terras genéte van ós muzikale klanke.

Jubilaris

Op de jaorvergadering van 2023 woort ózze zenger Loek tot zien eige verbazing in ’t zunke gezatte vanwaege zien 25 jäörig lidmaatschap beej de kepèl. Hae kreeg ’t beejbehurende speldje opgespeld door ierelid Sef. Loek, gefeliciteerd met dit heugelikke jubileum!

Bezeuk en Eierloup

In ’t paoswaekind hebbe de iérste activiteite nao Vastelaovend plaatsgevónde. Ós vrinde en vrindinne oet Rheinbrohl kwame op bezeuk en det beteikende det zeej kóste kinnismake met de stad Venlo, d’n ónverbaeterlikke Eierloup en tegeliekertied genete van ós ierste optraeje nao Vastelaovend. Oet de reaksies bleek det zeej zich köstelik hebbe geammezeerd (en weej ouk!). Foto’s via deze link.

Weej hebbe wat te viere

7 april 1975 waas d’n oprichtingsdatum van joekskepèl Schots en Scheif, op 7 april 2023 tikke we ózze 48-ste verjeurdaag aan. In ’t paoswaekind kómme ós vrinde en vrindinne oét Rheinbrohl in Venlo op bezeuk en vindt de onverbaeterlikke Eierloup plaats waoraan we ós steinke meuge beejdrage.

Koedeljach oétgebreid

Ózze koedeljach is weer oétgebreid. Guusje en Roel zien de trotse elders gewaore van dochter Saar.  Weej winse eur van herte perficiat met dit kleine wereldwonder en vuuël laevesgelök met z’n dreeje!

Good veur ’t gemood

Intelik kós Vastelaovend weer gevierd waere zoeëas dae gevierd mót waere en dét waas good veur ’t gemood! We hebbe ein schoeën seizoen belaef. Op ’t letste moment deej Covid nog ein poging um de zaak te boycotte maar dankzij ein aantal collega muzikante kós ouk ós letste optraeje doorgaon. Um de foto’s te zeen, klik heej. Ouk staon d’r inkele video’s online. Kiek daoveur in ’t menu beej media of klik heej, heej, heej of heej um iets te zeen van de optochte van Venlo en Bliërick. Alle video’s zien ouk te bekieke via ós YouTube kanaal.

Gemeintebal

En toen ware we weer truuk beej de ambtenaere van de Gemeinte Venlo. Beej veurbaat waas det al ein historische gebeurtenis umdet ’t ’t allerletste vastelaovesbal in dae zaal waas. We hebbe ouk nog efkes de gelégenheid genaome um ein groepsfoto te make. Kiek heej.

 

Weiberfastnacht Kölle 2023

Kölle alaaf, ’t waas weer aaf! We hebbe kinne genete van ein schoeën Weiberfastnacht. Zelfs de Deutsche Bahn heelt zich aan zien schema en brach ós redelik volges de tiedsplenning truuk naor ’t stedje van Lol en Plezeer. Eine heerlikke start veur de dreej dolle daag. Klik heej veur ein impressie. Vastelaovend same!

 

 

Op paad met Boerebroelofsgezelschap Zomerparkfeest

Eine ganse zaoterdaag op paad met ’t boerebroelofsgezelschap Zomerparkfeest. Zoeë kumpse nog ens örges. Van de 3-kes, naor de Benders Boeëtegewoeëne Boétezitting, naor ’t Roeje Kruutsbal, naor ’t Prónke in de Klaostraat, naor de seniore beej Crecendo, naor de resepsie van Jocus Toekomst en as aafsloeter de resepsie van de Törvers. En dan ware d’r ouk nog ein aantal die daonao nog de mood hadde um naor de Parade te gaon! Klik heej veur ’t filmke.