Boerebroelof 2002

              Vanwaege ut 75-jäörig bestaon organiseerde voetbalvereiniging Venlosche Boys de Venlose boerebroèlof 2002.

Boerebroèlof

 Intelik waas ut zoeëwied: Op vastelaovesdinsdaag d'n twelfde fibberwari 2002 woort ut broèdspaar, nao maondelange veurbereidinge, op ut Stadhoès van Venlo in d'n ónech verbônde. 

D'n daag begós veur 't gezelschap al hièl vruùg. Idderein meus geschmink waere. Heejnao woorte broèd en broèdegom thoès aafgehaold um daonao met de ganse stoet en vuuël andere broelofsgaste  aan te zitte aan de kòffietuiterie. Daonao waas d'r op ein drök bezóchte recepsie gelaegenheid um ut boerebroèlofspaar te fillicitere.

Ut echte hoeëgtepunt begós met eine glorieuze róndtoch door ut stedje van lol en plezeer. Hièlvuuël  broelofsgaste ginge de stoet veuraaf en de minse stónde rieje diek in de straote. Toen ut gezelschap veur ut stadhoès aankwaam had minnigein van ut gezelschap ut kiepevel op de erm staon beej ut aanschouwe van zoeëvuel volk. Naodet d'n echte börgemeister wat politieke figure had toegespraoke kós sirremonimeister Loek met de sirremonie beginne. Ut Holladijeeja woort oèt volle bors meigezónge en in ein sjunkelende massa ginge de ermkes de lóch in. Daonao waas ut de beurt aan de kinder um in ein kleine minitraining onder leiding van wout Eric te laote zeen waat ze kóste en prissenteerde Francien en Erik ut boerebroèlofsleed Toen dit alles achter de rök waas kós ut broedspaar in d'n onech waere verbonde. De ringe woorte oètgewisseld en de trouwakte geteikend. De ièrste kösmoel woort gegaeve onder de toeëne van "zóne gooje", waonao de sirremonie woort aafgeslaote door de jónges van "Jodel Lei". Op oètnuuèdiging van d'n echte börgemeister woort d'r nog ein gezellig eurke doorgebrach op ut stadhoès. Ut boeremoos aete kós netuurlik auk neet achterwaege blieve en dus trok ut gezelschap nao Wilhelmina um de buukskes te völle. Heejmei woort eine onvergaetelikke daag aafgeslaote wao ut gezelschap met vuuël plezeer op truùk zal kièke. 

  Boeremoosbal en Napraote

Ut Boeremoosbal en ut Naopraote zitte d'r op. Ut waas veur ut Boerebroèlofsgezelschap ein grandioze belaefenis um in ein bómvolle en sfeervolle Maaspoort te waere óntvange. Al veurdet ut zoeëwièd waas, zoot de stumming d'r al good in. In ut Ald Weishoès woort same met d'n Erme Tak as veurbereiding op ut gebeure boeremoos gegaete en daonao woort d'r alves ein klein feesje gevierd. Toen Jocus ut Gezelschap kwaam aafhaole waas idderein al in de juuste stumming. Nao de aankóndiging door de Vors van Jocus zörgde de woute d'r veur det de buun bereik kós waere en de prissentasie kós beginne. Sirremonimeister Loek praotde  op ein perfecte meneer ut gehièl aan mekaar en auk de zengers brachte ut d'r good vanaaf. Daornao kós ut broèdspaar (Nicolien van Sjaak Piëters van de haorsniéjer oèt de Klaosstraot en van Bets van Wiel Beerde van ut Gashoes en Bas van Wullem van ut leech van Genuuj en van Truu van de Pienzelaer beej de grens) in ondertrouw gaon. De ringe woorte aangebooje en ut broèdspaar had ut veurrech um ut bal te meuge äöpene op de melodie van  Flujas Welske en d'n teks van ut boerebroèlofsleed!   

Auk ut Naopraote op zóndaag waas ein hoeëgtepunt. De kinder deeje noow auk mei en det sloog aan. Nao aaflaup van ut Naopraote waas d'r unne groeëte groep dae met de joekskepèl mei is gegaon nao de Keulse Ker um dao auk nog efkes na te praote. En auk in de Keulse Ker waas de stumming super. Det belaof wat veur ut  grandioze fees op boerebroèlofsdinsdaag as ut paar in d'n onech wuuërt verbônde. 

 De Prissentatie

Op zóndaag 9 december prissenteerde ut Boerebroèlofsgezelschap zich beej Leurs in de Bôtterstraot.
Femilie, vrinde en bekinde ware getuùge van de verloving van ut broèdspaar. Ut waas ein grandioos fees met optreejes van diverse Venlose artieste en Schots en Scheif. Nao aaflaup waas idderein ut d'r euver ins det ut gezelschap klaor waas veur ut Boeremoosbal en de trouwerie op ut stadhoès.

 Rolverdeiling:

 Broèd:Nicole Geraads

Nicolien van Sjaak Piëters van de haorsniër oët de Klaosstraot en van Bets van Wiel Beerde van ‘t Gashoës.

Broèdegom:Bas Lankreijer

Bas van Wullem van ‘t leech van Genuë en Truu van de pienzelaer beej de grens.

 Elders van de Broèd:Truus en Martin de Swart

Truus van Wolters Teng, bode van ‘t Z.N.L. en van Toète Sis.

Martin van Tinus, de sperjusboer en van Truuj Vermeulen van de beugelbaan.

 Elders van de Broèdegom:Marij Custers en Hans Ronken

Marij van Sjaak van Frits van de krant en van Johanna van Baer van de alde Tegelsewaeg.

Hans van Wiel van de pos en Mariet van de Koperslager.

Getuuge:Francien Beckers en Jos Zanders

Fien van Sjan en Sjeng van de veiling oët de Roëzekransstraot.

Jos van Pieter en Ien van de muibelmaker van ‘t zwumbad van de underste Meule.  

 Echgenoeëte van de getuuge: Petra Grubben, Bas Maas 

 Broèdsmaedjes:Jet Wienen en Sandra Basten

Jet van Nel en Lau van Stien en Tieske oët de Gulikstraot.

Sandra van Wiel van Jeu oët de Heutzstraot en van Helmi van Dies van de Maagdenberg.  

Echgenoeëte van de broèdsmaedjes: Rob Cuijpers, Peter Geraads

Börgemeister:Roel Wienen

Roel van Theo en Nand, de Witte van Wienen van de Casinowaeg.

 Echgenoeëte van d'n Börgemeister: Mathy Hecker

Bode:Marcel Faassen

Fäöske van Hai van Jan van Pauwke van de gerdenaer van de Herinksewaeg.

 Woute:Eric Pouwels, Bas Basten en Jack Leenen

Eric van Jan van Piet d’n tummerman en van Els van Herman van de Foem Foem oët de Retraitelaan.

Bas van Sef de Neus van Basten van Hen van de Stalbergwaeg en Anneke van Piet de Melksieser oët Genuë.

Sjaak van Thei en Sjuul van ‘t Panhoës.

Lewie van meister Iëwals, de sniéder oët stadsdeil Tegele en Mia van Wullems.

Echgenoeëte van de sirremonimeister: Marion Knorr

Zuskes van de broèd: Wilma Crijnen, Paula Hunslip

Man van de zuskes van de Broèd: Gijs van Erp, John Crijnen

Sôkkertante en Sôkkeroom: Marjo Versteilen, Christian v.d. Velden

Paettante en Peetoom: Annemie Bartels, Mark de Klerk

Stalmeister: Ger Bartels

Stalknech: Pepijn Nieuwenhuis, Leon Wienen

Brandwaerkommandant: Hay Savelkoul Brandwaer: Erik Knorr, Jaap Stroeken

Schoëljuf: Karin Oirbans, Erika Leenen

Naobers van de broèd: Bram Ebus

Naobers van de broèdegom: Mieke Fleuren

Femilie: Hanneke Kuijpers, Inge Vogels, Corina Holla

16 Boys maedjes en jungskes 

Boerebroèlofsleed

Heejónder staon  de wäörd van ut boerebroèlofsleed 2002. Ut leed wuuërt gezónge door Francien Beckers en Erik Knorr. Ein fragment van ut leed kin gedownload waere van de cd-pagina