- schotsenscheif @Schodumlaeg hiël vuul plezeer in Linz! Doot ze de groete van os! #wienfeeste #cafewahnsinn
- ZeipkisteRace Dank aan onze nieuwe volgers! @schotsenscheif, @LoekSchaepken, @DACVanderbroeck
- Schodumlaeg @schotsenscheif niks mis met de baritons
- schotsenscheif @Schodumlaeg barritons netuurlik!
- schotsenscheif @Schodumlaeg det leet aan ut instrument, beej os zien ut ouk altied de baritons......
Aan alles kump ein ind.
Vastelaovend 2007 zit d'r weer op. Heb geej ouk zoeë genaote as weej det hebbe gedaon? Schoeën weer en vuuël minse met gooj zin! Weej hebbe ós de letste waeke weer muzikaal kinne oètlaeve. Weej haope det geej dao aevevuuël plezeer aan heb belaef as weejzelf! Heejonder kint geej via beeld en geluud inkele indrökke opdoon.
Altweiberfastnacht
Dónderdaag zien weej naor 't Altweiberfastnacht in Kölle gewaes. Minsekinder waat waas det giga!! Aste neet baeter wis, dan hadse d´n indrök det gans Pruuses naor Kölle waas gekómme. Naodet weej nao efkes zeuke ós plaetske gevónde hadde, hebbe weej ós biestig good geammezeerd met al die Altweiber. De truukreis met de Deutsche Bundesbahn waas aaf! Ozze spraekstalmeister Loek zoot tósse de leedjes door de ganse trein op ziene kop met ziene megafoon. Kiek heej veur inkele kiekjes.
Naor Portugal
ózze trompettis Tim mót dit jaor de vastelaovend de vastelaovend laote. Hae geit vièf maond in Portugal studère aan de "universidade Nova de Lisboa". As geej wilt weite wie 't um vergeit in Lisabon bring dan ens ein bezeuk aan www.guusentiminportugal.blogspot.com. As geej dan ouk nog wat te melde heb euver de vastelaovend heej in Venlo, laot dan ein berichje achter zoeëdet hae wet waat d'r zich allemaol haet aafgespeuld in 't Stedje van Lol en Plezeer. Tim, Schots en Scheif wins dich vuuël suukses in Portugal!
Aaftelle wies vastelaovend
't is weer bijna zoewièd. De vastelaovend kump d'r weer aan. We hebbe al ein paar waeke werm gedreid. Ièrs waare we beej de G-voetballers van Venlosche Boys en hebbe we aafschied genome van Vors Törvius. Daorna waare we in de Maaspaort op 't Boeremoosbal van ós muzikale kollega's van de Mootwörm. Ouk de zitting van de Törvers en 't prinsebal van de Vogelhut is weer verleeje tièd, maar gelökkig steit d'r de kómende waeke nog 't ein en ander op 't programma. Wellich zeen weej ós beej ein van die gelaegenhede!
Aafschied van vors Törvius
Venlo Alaaf!
De kogel is door de kerk. Weej hebbe beslaote um ós in te schriève veur de Groëte Optoch in Venlo. Hoewaal 't ós neteurlik gepaerdskeuteld haet det weej woorte gevraog veur de Rosenmontagszug in Kölle, meuste weej zoeëvuuël eigehede aan de kant schuùve det det veur ós neet akseptabel waas. De vastelaovesmaondag viere weej dus met ós eige vruikes en kinder in 't Stedje van Lol en Plezeer. Tante Bet schreef d'r ouk weer euver. Klik daoveur heej.
Naor de Rosenmontagszug in Kölle??
Toen weej tièdes ós jaorlikse oètstepke naor de wienfeeste ouk efkes Linz aandeeje, woorte weej door emus van de Zugleitung van de Kölner Rosenmontagszug oètgenuuëdigd um mei te doon aan de Rosenmontagszug in Kölle. Hae haet toen ós adreskaertje meigenaome. Inmiddels hebbe weej tot ós eige verbazing de offisjiële oètnuuëdiging meuge óntvange. De spelregels zien behuurlik streng. Weej staon nog in kontak met de Zugleitung um te kièke of d'r euvereinstumming bereik kin waere. Laes heej waat dagblad de Limburger d'r euver schrièf.