Truuk

Nao dreej jaor letterlik de ker van Schots en Scheif te hebbe getrókke in de vastelaovesoptochte is Jan duchtig besmet geraak met 't vastelaovesvirus. In 2006 haet hae gepreuf van de wienfièste, waobeej hae zich al direk op zien gemaak veulde in de groep. Dit waas veur Jan aanleiding um zien mezièkale talente oèt te bouwe op de tamboerijn. Jan is al vieftieën jaor  lid van Koor 81. Vaerdere hobbies zien fietse en werke met holt in zien tummerwerkplaats. Ouk is hae veurzitter van buurtvereniging G.O.O. Jan is getrouwd met Gerri, haet 3 volwasse kinder (en 2 schoeènkinder) en is trotse opa van Iris. In 't dageliks laeve probeert hae in 't sezoen de kós te verdene met 't kweke van kassperjes. De res van 't jaor is hae trucker.